.." ثلاثـــ 3 ـــــة وعشــــ 2 ـــرون "..

---------------------
ثلاثـــ 3 ـــــة وعشــــ 2 ـــرون
-------------------------------

24|10|2010
_

24|10|1987
=
23


------------

بتمر السنين
يوم
يومين
أسبوع
شهرين

والمفروض إننا بنكبر !
بنتعلم
بنتطور
بنتغير
والطبيعي يكون للأفضل
وطبيعي إننا نُخطيء

وبالتالي طبيعي إننا نتعلم من أخطاءنا

المفروض نبقى قيمة
( حاجة )
شيء
ولازم
تكون
( الحاجة )
أو
الشيء
ده
كويس
و
مفيد

عاوز أقول :
* لم أرَ أسرع من الأيام فعلى الأقل
كن بنفس سرعتها أو لا تجعلها تسبقك !

* أي رقم ما دام محددا مهما كبر إذا
قسم على مالا نهاية يساوي صفر !!
فاغتنم بالصفر كل الخير !!!!!!!!

* يقولون " إن جالك الغصب خليه بجميلة "
عمرك هتعيشه هتعيشه حلو مر مقطرن مهبب .. هيتعاش !!
فأوعى .. أووووعى
تعيش في التعب ده
وترجع تعيش في عذاب
هي فرصة .. متسيبهاش

------------

23
»»

يعني وقت
يعني زمن
يعني ... عُمْرّ

يعني سنين
يعني أنين
يعني تعب .. ومرّ

كبرنا .. إتغيرنا
لفينا ... ودورنا
واتبدلت البراءة فـ العيون السُمْرّ

نسينا أجمل ما فينا
كبرنا ولاقينا
عكس الاحلام الوردية والبيض والخُضّْرّ

تلاته وعشرين سنه
وانا ولسه مكاني هنا

تلاته وعشرين سنه
وانا واقف
مرعوب وخايف
نادم وآسف
وجرح فـ كياني نازف
وجاهل ولا عارف
زي ما يكون حد مصمم وحالف
يضيع من إيدي الحل
وبعيني شايف نفسي
بنكسر واتذل

تلاتة وعشرين كارثة
تلاتة وعشرين وكسة
تلاتة وعشرين و ... لسة
الزمن بيعد

تلاتة وعشرين وقعة
مفيهمش ولا قومة

تلاتة وعشرين دمعة
ونفس ضعيفة مقسومة

والف مليون طعنة
فـ قلووووب شبه ميتة
م الأفراااااح محرومة

هه

تلاتـــ3ــه وعشـــ2ـــرين

عنين وبؤ وجسم وعضلات
حروف وأصل وأسم وعائلات

بس
هواااااااا ودخان
أو أقل !!

شعر وجلد وطول وعرض
نَفَسّ وصوت ووزن على الارض

بس
مش إنسااااااااااااان
أو أقل !!

يااااااااااه
تلاتة
هه
وعشرين
!!
تلاتة وعشرين في العدد بس
لكن شيء ملموس؟! . محسوس؟!
لا
أنا لسه صفر

قالوا مصدقتش .مريض بيموت.
كنت هقول لنفسي زيهم ياعم روح موت
يااااه
بس لولا الكفر!


---------

ياااا رب حكمتك يا رب

أدعوك أن أكون
----------