.

.

الاثنين، 4 يناير 2010

" كُن أنت العنوان "

" كُن أنت العنوان "

اوعى تقولي ضعيف مش قادر
اوعى تقول مهزوم او خاسر
إرفع راسك بفخر
لف وطوف وشوف وسافر
حاول . قاوم . جاهد وعافر
تقدر تهد الصخر
اوعى تقولي خلاص هستسلم
اوعى تقولي الحلم إتهدم
اهدى .,. وركز .,. وفكر
كفايه خوف كفايه صمت اصرخ واتكلم
كفايه وقوف إمشى إتحرك واتقدم
صدقنى صح !! فعلا تقدر !!
تخيل .؟! ... تصور .؟!
اوعى تقولي ضلمه وعتمه
اوعى تقولى خنقه وكتمه
حقيقي في نور وضووووء
ولو فشلت ..
اوعى تقولي النصيب والقسمه
قولي هحاول بجد
لإني ولا عاجز ولا اعمى
ركز اوووى
وفكر بكل هدوووووء
..!!! تخيل كده ترتاح
تخيل سنينك من غير جراح
هتحس بملل
هتشتاق للعمل
هتقول من قلبك
!!! حلو التعب حلو الكفاح
اوعى تقولي لابد من الهروب
اوعى تقولي هنا النهايه والغروب
إرفع راسك بشموخ
حتى لو داب الحلم اوعى انت كمان تدوب
الصوره مش معكوسه احتمال تكون انت واقف بالمقلوب
قوم بهممممه ورمم كل الشروخ
اوعى تقولي خلاص مليت
اوعى تقولي باليأس رضيت
لسه الحلم بااااقي
قولي حلمت بأسره وبيت
قولي ع المستحييييل عديت
قولي خلاص دا جواب نهاااائي
اوعى تقولي خلاص بنهار
اعوى تقولي مافيش اصرار
كده منك ... هزعل
اوعى تقولي الحلم بعيد . بينى وبينه جبال وبحار
ركز . فكر هتلاقى اكيد جواك ورود وازهار
اوعى بغير افراحك ونجاحك تقبل
----------
خد .. تعالى .. اصبر كده واستنى
تخيل على طول كده تفرح وتتهنى
تخيييل .. كل اشياءك مجابه !؟
يعنى ولا بتحلم ولا تتمنى
صدقنى بجد هتكره حياتك
هتكره كل شىء حتى .. سكاتك
هتحب " تتعب " .,. " تغلب " علشان تحس بطعم الجنه
اوعى تقولي خلاص مش فارق
موت محروق . مخنوق او غارق
" اوعى تقول كده تاني "
هتقولي اسكت سيبني دا انا من المرار شارب ودايق
لو هتقولي كتر الباطل وإتزيفت حقايق
هقولك :
زى ما الباطل كتر . الحق هيرجع تاني
اوعى تقولي ماليش هدف
اوعى تقولي ياااائس للأسف
" انت طبعا غير كده اكيييد "
اوعى تقول لحن الموت اتعزف
اوعى تقولي الصبر اتنسف
قولي رغم الالم والبكى هعيش سعييييد
قولي
رغم
العلل
هصبر
و
هتحمل
---
قولى انا قااادر حتى لو العذاااب طول
--------
وانت .. ايوة انت .. والله انت .. انت
لو
ما
حستش
كلامي
ياريت
تقرأه
من
الاول
بقلم : أمير السعاده ..؛؛
بالله عليك ياللى بتقرأ كلامى دلوقتى
تضحك
وتبتسم
بالله عليك
---------------


مع أطيب تمنياتي

بحياه سعيده
كلها أمل وتفاؤل
مُحبكم في الله ..؛؛







هناك 19 تعليقًا:

ريمان يقول...

امير السعاده؟


ياااااااااااااااه

اخييييييييرررررررراااااااااااا


لاء بجد انا مبسوطه

تعرف انك رسمت على وشى بسمه جميله جدا

بسمه تفاؤل وامل


بجد بجد انا سعيده اوى بالكلمات دى

فعلا كانت مفاجاه

بجد بجد ربنا يسعدك يا رب اكتر واكتر

والله مفيش حاجه محتاجه ان الواحد يزعل ويغتم بسببها


وجميل اوى اوى العنوان

عنوان فى الجون بجد


تحياتى لقلمك المبتسم الحالم السعيد

نور الإيمان يقول...

كن انت العنوان بجد عنوان ولا اروع وله معاني كبيره واعجبني كثيرا
وبالنسبه لكلمات الموضوع جميله حقا وطريقه الاسلوب وروح التفاؤل التي تتكلم بها ولازم الشخص يكون عنده ثقه بالله ولا ييأس نبني القمم
العالية بالهمم العالية اعتقد ده اول موضوع اقرأه لحضرتك ويتكلم عن السعاده ربنا يسعدك اخي دائما ويكون فيه تغير ف مواضيعك دائما لا تكون عن الحزن فقط

محمد أبووردة يقول...

مدونة اسمها
لآلئ الكلمات
وهي حقا تحتوي علي لآلئ
كلمات تدعوا الي التفاؤل
وتوقي الهمم
وتقوي الشكيمة
أخي عجزت أناملي أن تخط حرفا يليق بجمال هذه الكلمات
دمت بخير يا أميرا تربع علي عرش الكلمة
وتقبل مروري

الأمير يقول...

ريمان ... ملاك وهبة من الرحمن

أهلا بكِ أختنا
دائما صاحبة السبق وتنويرى
وصاحبة التعليق الاول
وإنه لمن دواعى فخرى أن يكون هذا الشخص .. أنتى

نعم أختنا .. أمير السعاده
أقولها وأنا فى كامل قواى العقليه
وحتى إن لم أكن .. أعِدُكِ ... سأكون .
بإذن الله

والحمدلله حقا وصدقا
أن تسببت أنا " الصغير " فى رسم بسمة جميله وارئعه كروعتكم على شفتاكِ

واحمدالله زيادة
أنها كانت
بسمة .. أمل وتفاؤل .

وبجد بجدددددد أنا الاسعد بمرورك

والعنوان ما هوالا قطره فى بحركم
أو زهره صغيره فى بساتينكم
أو مجرد حرف يخطه قلمكم .

أيهما كان
فحقا هو إنجاز كبير وشرف أكبر

--------

تحياتى لقلبك المبتسم الحالم الطيب السعيد
دااائما إن شاء الله ..؛؛

لا حرمنا الله نعمة تواجدكم وروعته .


_____________

نور الايمان

النور الذى أضاء مدونتى فأبهرنى
النور الذى حل عندى فأسعدنى

أهلا بكِ أختنا الفاضله
دائما وأبدا

حقيقة إخترت هذا العنوان بالذات
لأنه ذا معانى كثيره
وإيحاءت متعدده

ولكونه يحمل عدة رسائل
مباشره ومهمه لى وللقارىء الكريم

حقا أختنا
لا ولن تسعفنى قواميس العالم
أن أعبر عن سعادتى بمروركم

كم أتمنى لو تكررت الزياره
وكم أتمنى لو أنرتمونا طوييييلااااااا

حفظكم الله وأسعدكم

___________


نووور الدرب

الغالى
الحبيب
الاخ
المتألق
المبدع

كيف حالك .؟
أنرت أخى حيث حللت
فمرحبا بك

أما عن لألئىكما تقول
فهى ليست حقيقيه
ليست كماساتك أنت وجواهرك
إننا فقط نحاول أن نكون لا شىء نسبة أليكم

لا تقل لى أننى أبالغ واجامل
فليشهد وليحكم بيننا الناس

أما عن عرش الكلمه
فلم ارتقيه بعد ولم أجلس عليه قط

نعم أتمنى ونعم أحلم

ولكن يبقى فى النهايه أنه

مجرد تمنى و ... فقط .. حلم ..!!

تحياتى لك يا أخى الحبيب . دمت بود .

همسة حب يقول...

السلام عليكم
بجد راااااااااااائع بل اكثر
ايون كدا
بجد كدا اجمل بكتير من امير العذاب
بجد كلامك دا غير فيا حاجات كتير
بجد ربنا يوفقك
ويارب دايما تكون للسعاده امير
في رعاية الله
السلام عليكم

جايدا العزيزي يقول...

كلامات جميله جدا

ومدونه فى منتهى الروعه والاتقان


حقيقى انا بفتخر بكل من كتب ولو كلمه من قلبه


الحقيقه انا مبتدئه ومدونتى جديدة ومش عارفه ازاى ادرها


ومحتاجه مساعدة


اختفى المكان اللى بنزل منه الفديو وعنوان الرساله


ومش عارفه اعمل ايه واغى كلمه تسميات اللى تحت الرساله والرابط ازاى


افيدونى بالله عليكم


اسم المدونه جايدا العزيزى


انتظر الرد


تحياتى

miroooo يقول...

السلام عليكم
امير السعاده؟
بجد انت جيت بالكلام ده فى وقته بجد والله كنت محتاجه لكلام زى ده خصوصا فى الحاله الصعبه اللى بامر بيها ادعيلى ربنا يعديها على خير والله بحاول على اد ما اقدر بس غصب عنى لازم افتكر تانى
اتمنى انك تدعيلى
ميرسى جدا على البوست الرائع ده اللى خلانى ابتسم مع ان الابتسامه مش بتفارقنى بس الدموع باردو مصاحباها
اشكرك يا امير السعاده
تمنياتى لك بدوام السعاده والهناء
دمت بكل الخير

جايدا العزيزي يقول...

الامير

كلما مررت من هنا


اشعر بانى كالقراشه تحلق

بين بساتين من ورد وريحان


حاولت ان انضم للمتابعين ولكنى فشلت


فماذا افعل


اتمنى ان تتابع اول كلاماتى


ورسائلى القديمه


فانها احساسى


يهمنى رائيك


تحياتى

الأمير يقول...

همسة حب

همسة فرح

همسة سعادة

وصرخة أمل

أهلا بك أختنا الكريمه الصغنتوته

والله منورانى جدا

وان شاء الله تفضلى وتكونى ملكة السعاده

ارق التحايا

__________

جايدا العزيزى

التى تجيد فن الحرف والاحساس

نورتى واسعدتى وافرحتى قلبى بتواجدك
فمرحبا بكِ

بجد كلامك جميل اوى
وكله من ذوقك الراقى

ولو فى اى مساعده
أنا تحت أمرك

إن كان بإستطاعتى أقدمها لكِ بكل سرور
فعلى الرحب والسعه

___________

ميروووووووووووو

بجد والله العظيم
انا فرحان اوى بتواجدك

وعاوز اقولك متخليش حاجه تزعلك
وكل امر المؤمن خير
كما اخبر الحبيب المصطفى صلى الله عليه وسلم

والحمدلله ان كلامى نال اعجابك
او مس شىء بداخلك

انرتينى وربي

___________

جايدا العزيزى

بجد بشكر حضرتك جدااا على تواجدك الكريم

تعرفى انك من القلائل اللى كتبوا ردين فى بوست واحد لى ؟

-------
أما عن محاولة إنضمامك للمتابعين وفشلك فى ذلك
فأنا لم أفهم بعد ماذا تقصدين
أتمنى لو وجد توضيح

أما عن رسائلك القديمه فإن شاء الله
سأتابعها

عندما تسنح لى الظروح

واعتذر على تقصيرى
وأشكرك على أن رأيي يهمك

والسلام عليكم ..؛؛

رحــــيـل يقول...

السلام عليكم

ايه التفاؤل ده غريبة والله بس بجد
اسلوبك متميز جدا وحلو البوست ومتنوع قوووى وكمااااااانك غيرت امير العذاب دى واصبحت امير السعادة

تحياتى.

صاحبة هدف يقول...

جزاكم الله خيراً كثيراً

متفاءلون بإذن الله

جايدا العزيزي يقول...

الامير

كلما شعرت بافتقادى لهمس الحروف


اتيت الى هنا اتأمل روعتها


واستنشق عبيرها


ورغم ان مدونتى اتاها الكثير من الزوار


ومسئوليتى ذادت وقد وفقنى الله


فى حل جميع المشاكل التى واجهتنى فى ادارة المدونه


الا انى دائما اعود


لمن ساندنى وايدنى


دائما انحنى امام الوفاء


اخى لا ادرى هل افتقد حرفك الساحر


اما ان الوفاء صار يلازمنى كظلى

مريت بس اطمن عليك


وعايزة اشوف عمل جديد


دمت فى حفظ الرحمن


تحياتى

الأمير يقول...

رحيل

مجرد تواجد اسمك هنا
شرف كبير

انا عارف انه تعليق جهاد
بس جه بإسم رحيل

بس والله ده يسعدنى أكتر

علشان من حد بحبه
بإسم حد برضه بحبه

ربنا يحفظكم

ويخليكم لبعض

----------

صاحبة هدف
صاحبة السمو
صاحبة التميز

فرحان اوى بتواجدك هنا
وفرحان انى جيت على بالك انا ومدونتى
ولو للحظه

اسعدكم ربي وزياده

---------

جاااايدا العزيزى

انا بجد مش عارف اقولك أيه

وإن شاء الله القادم سترينه قريبا جدا

" عاوز اقول لحضرتك إنى كنت مصاب بخمول رهييييب ومش قادر أكتب حاجه
رغم إن اللى جوايا كتير
بس بعد ما شوفت كلامك

إنتهى الكسل وكتبت كلام النهارده
أتمنى لما ينزل يعجبك
وعلشان خاطرك هقولك العنوان وهو
.. بين العقل والقلب ..

ويارب دايما تبقى منورانى ..

تحياتى للجميع ..؛؛؛

جايدا العزيزي يقول...

الامير


تم حزف الموضوع ويبقى بيننا حوار


على فكرة اتا ما بفتحش الاميل


ومش ضايفه حد عندى



ياريت اكون عند حسن ضنك بى


فانا لا احب ان اخسر اخ


تحياتى

مليكة الطهر يقول...

السلام عليكم ورحمة الله وبركاته

كيف حالكم أخى محمد عساك بخير وجميع أهلك

أدام الله سعادتكم أخى

جميلةٌ لهجة السعاده لا بل لغة السعاده

...كن أنت العنوان... ولأنى عنوان مفقود فقط سأكون هنا عنوان حاضر للحظات ...


لا لوقت طويل ....سأكون عنوان وستكون
كلماتك اللون الذى لون العنوان إبتسمتُ وتمنيت أن تكون فى ميزان حسناتك


عاميةٌ رائعه


واعتذر عن تأخر التعليق أو التعليقات

ولكن ثق إن شاء الله سأكون مِن أوائل مَن يعلق لا لشئ لكن لأنى ذقت طعما للسعادة هنا

فى مملكتك أيها الأمير

أحسنتم الضيافه



أخى فى إنتظار القادم ...فعجل

دونما ...تحذير ...

إبتسامه


وفقكم الله

الأمير يقول...

جايدا العزيزى

اشكرك على تنفيذ رايي
وسرعة استجابتك لذلك

هدانا الله واياكم
وسدد الله على سبيل الرشد خطاكم

تحياتى

الأمير يقول...

مليكة الطهر


وعليكم السلام ورحمة الله وبركاته

عساكِ بخير وأمل وسعاده أنتِ وأهلكِ ومن تحبى ومن يُحبك ..

وأسعدكم ربي أختنا

والله أحسن حاجه حصلت إن كلماتى
جعلتك عنوانا
وليس أى عنوان
إنه عنوان السعاده
أرضاكم الله


وأيضا إبتسامتكم التى تخيلتها أنا
إبتسامه ملأت الارض نورا و ... طهرا
فى زمن قل فيه الطاهرين

طهركم الله من كل ذنب

أما عن العاميه
فهى لن تساوى حرفا من فصاحتكم ورعة كلماتك

-------

وإن شاء الله
القادم سيكون أجمل
فقط .. إن كان هذا جميل !
وإن شاء الله سأعجل
حتى دونما تحذير
يكفى طلبكم لإنطلق ملبيا

جزاكم الله عنا خيرا
ولا حرمنا نعمة تواجدكم أبدا أبدا


فى حفظ وأمان الله ..؛؛

الامير .

غير معرف يقول...

اسعدكم رب العالمين دنيا واخرة
تقبلوا مروري االمتواضع

الأمير يقول...

غير معرف .. بعد خمس سنين تأخير على تعليقك ... برد عليك وبقولك سامحنى ع التأخير
والله لم ارى ردك الا الان ... سامحني أو سامحيني وأيا من تكون
فمروركم تاج على رأسي ودعائكم الطيب أسعدني .. جزاكم الله عني خيرا :)