.

.

الأحد، 24 أكتوبر 2010

.." ثلاثـــ 3 ـــــة وعشــــ 2 ـــرون "..

---------------------
ثلاثـــ 3 ـــــة وعشــــ 2 ـــرون
-------------------------------
تستطيع أن ترى الصورة بحجمها الطبيعي بعد الضغط عليها
24|10|2010
_

24|10|1987
=
23

نقره لعرض الصورة في صفحة مستقلة
------------

بتمر السنين
يوم
يومين
أسبوع
شهرين

والمفروض إننا بنكبر !
بنتعلم
بنتطور
بنتغير
والطبيعي يكون للأفضل
وطبيعي إننا نُخطيء

وبالتالي طبيعي إننا نتعلم من أخطاءنا

المفروض نبقى قيمة
( حاجة )
شيء
ولازم
تكون
( الحاجة )
أو
الشيء
ده
كويس
و
مفيد

عاوز أقول :
* لم أرَ أسرع من الأيام فعلى الأقل
كن بنفس سرعتها أو لا تجعلها تسبقك
!

* أي رقم ما دام محددا مهما كبر إذا
قسم على مالا نهاية يساوي صفر
!!
فاغتنم بالصفر كل الخير !!!!!!!!

* يقولون " إن جالك الغصب خليه بجميلة "
عمرك هتعيشه هتعيشه حلو مر مقطرن مهبب .. هيتعاش
!!
فأوعى .. أووووعى
تعيش في التعب ده
وترجع تعيش في عذاب
هي فرصة .. متسيبهاش

------------

23
»»

يعني وقت
يعني زمن
يعني ... عُمْرّ

يعني سنين
يعني أنين
يعني تعب .. ومرّ

كبرنا .. إتغيرنا
لفينا ... ودورنا
واتبدلت البراءة فـ العيون السُمْرّ
تستطيع أن ترى الصورة بحجمها الطبيعي بعد الضغط عليها
نسينا أجمل ما فينا
كبرنا ولاقينا
عكس الاحلام الوردية والبيض والخُضّْرّ
نقره لعرض الصورة في صفحة مستقلة
تلاته وعشرين سنه
وانا ولسه مكاني هنا


تلاته وعشرين سنه
وانا واقف
مرعوب وخايف
نادم وآسف
وجرح فـ كياني نازف
وجاهل ولا عارف
زي ما يكون حد مصمم وحالف
يضيع من إيدي الحل
وبعيني شايف نفسي
بنكسر واتذل


تلاتة وعشرين كارثة
تلاتة وعشرين وكسة
تلاتة وعشرين و ... لسة

الزمن بيعد

تلاتة وعشرين وقعة
مفيهمش ولا قومة


تلاتة وعشرين دمعة
ونفس ضعيفة مقسومة


والف مليون طعنة
فـ قلووووب شبه ميتة
م الأفراااااح محرومة


هه

تلاتـــ3ــه وعشـــ2ـــرين

عنين وبؤ وجسم وعضلات
حروف وأصل وأسم وعائلات

بس
هواااااااا ودخان
أو أقل !!

شعر وجلد وطول وعرض
نَفَسّ وصوت ووزن على الارض

بس
مش إنسااااااااااااان
أو أقل !!

يااااااااااه
تلاتة
هه
وعشرين
!!
تلاتة وعشرين في العدد بس
لكن شيء ملموس؟! . محسوس؟!
لا
أنا لسه صفر
تستطيع أن ترى الصورة بحجمها الطبيعي بعد الضغط عليها
قالوا مصدقتش .مريض بيموت.
كنت هقول لنفسي زيهم ياعم روح موت
يااااه
بس لولا الكفر!
نقره لعرض الصورة في صفحة مستقلة

---------

ياااا رب حكمتك يا رب

أدعوك أن أكون
----------
نقره لعرض الصورة في صفحة مستقلة

هناك 7 تعليقات:

Atef Shahin يقول...

السلام عليكم
لا اوافقك على هذة الروح المتشائمة وأنت في الثالثة والعشرين أي أن حياتك الحقيقية لم تبدأ بعد
إذا أردت أن تدرك ما أنت فيه من نعمة فتذكر كم مريضا في الحياة بأمراض لا يرجى شفاؤها وتذكر حديث الرسول"ص" : من بات آمنا في سربه معافا في بدنه لديه قوت يومه فقد حيزت له النيا وما فيها
وكل عام وانت بخير

جايدا العزيزي يقول...

كل عام وانت بخير

وعقبال 123 سنه

بس انا اول مرة اتفق معاك

ومش شايفه تشائم

شايفه خير وتقدم وفكر سليم

كل ما نحاسب نفسنا

وكل مانشوف عيوبنا ونحاول نصلحها

هو ده عين العقل

هو ده التفكير السليم

هو ده حافظ النجاح

لا ارى اى تشائم بل ارى شعاع امل

مرة تانيه كل عام وانت بخير

تحياتى

محمد أبووردة يقول...

يااااااااه يا حماده
دا انت شايل كتير في نفسك يا اخي
لكن بجد اولا
احييك علي التدوينة الجميلة
ومن هنا حقا البداية
يقول سيدنا عمر بن الخطاب
" حاسبوا انفسكم قبل ان تحاسبوا وزنوا اعمالكم قبل ان توزن عليكم "

--------------------
كلمة علي جنب
وحشتني مووووووووووووت
ووحشتني ايامك يا طيب
طمني عليك دايما

جايدا العزيزي يقول...

كل عام وانت بخير

كل عام وانت الى الله اقرب وعلى طاعته ادوم

عيد اضحى مبارك

اعاده الله عليك بالخير واليمن والبركات

ويارب العام القادم تكون عند الحبيب المصطفى

عيد سعيد

تحياتى

نيوز فلسطين يقول...

معلش اعذرنا التعليق خارج عن النص لكن هذه فرصة لدعواتكم
انطلاق الحملة الالكترونية للاحياء الذكرى الثانية للعدوان على غزة
للمدونات والمواقع والمنتديات الراغبة بالانضمام للحملة ارسل رسالة الى بريدنا
تضمن اسم الموقع او المدونة او المنتدى المشارك مع الرابط ليتم تزودكم لاحقا فى بانرات الحملة على بريدكم وذلك لاجل وضع البانر طول فترة الحملة
التى تبداً من 1/12/2010 وحتى 23/1/2011 وهو اخر ايام العدوان على غزة وايضا ليتم اضافة اسمكم للوحة الشرف المشاركة بالحملة
للتاكد المشاركة بالحملة نترقب رسائلكم او ابلغكم المباشر لنا من خلال بردينا الالكتروني
news.palestine@hotmail.com
مع تحيات
الحملة الالكترونية للاحياء الذكرى الثانية للعدوان على غزة
http://www.facebook.com/pages/alhmlt-alalktrwnyt-llahya-aldhkry-althanyt-lldwan-ly-ghzt-mdwnt-nywz-

flstyn/164430440259303

http://newspalestina.blogspot.com/2010/12/blog-post.html

غير معرف يقول...

كل سنة واعمالكم الى الرحمن اقرب والى جنته سائرة..ااامين
فراشة الجنة
اختكم في الله

الأمير يقول...

بسم الله

السلاااام عليكمممم

عاااااارف اني اتاخرت عليكم اووووي
لكن سامحوني بجد وبعتذر ليكم والله من كل قلبي

يا رب تسامحوني

واهلا بك اخي عاطف شاهين .. واشكرك على التعليق الرائع
وصدقني مش تشائم
انا بس زعلان على عدم تقديمي شيء كبير

بوركت اخي الفاضل --------
--------------

جايدا العزيزي
شكرا جدا على تواجدكم الكريم

بس مش شايفة ان 123 سنة كتير شوية ؟
ربنا يكرمك وميحرمناش منك

-------------------

نور الدرب حبيب قلبي
محمد ابو وردة

ازيك يا غالي ؟
ان شاء الله بخير

وطبعا رضي الله على سيدنا عمر
فاروق الامة

شرفني وجودك يا غالي

----------------

نيوز فلسطين جزاكم الله خيرا اخي
ربنا ييسر الحال

---------------

فراشة الجنة
جزاكم الله كل الخير اختنا

تواجد راااائع اتشرف به كثيرا

اخاكم في الله ايتها الكريمة المصونة .

-------------
السلام عليكم جميعا