.

.

السبت، 8 مارس 2014

سِحْرُ اْلسَّحَرْ






قبيل الفجر ... فجرا !!
لذة ذات مذاق رائع
نسمة هواء نقي ماتع
خطوات تبدوا في الظلام وحيدة 
لكنها في نور، جعلها الله خطوات سديدة
والسماء بنجومها ترى والقمر
قلبا تَجافى جنبه عن مضجعه وانتصر
على دفيء ونوم وشيطان قد مكر
ليفوز ولو فقط بمتعة خاطره والنظر
ناهيك عن هذا الإبداع كأنه سِحرُ السّحر
كأنها دعوة خاصة للبعض من دون البشر
كل الامور مميزة حتى التفاصيل
نسمات تداعبني بلطف ولا مثيل
 أغصان بهدوء مهيب في الإتجاهت تميل
وهمس السَحر في أذني 
أراني حتى سواد الليل .. جميل

إستغفار وتسبيح
وقرآن وآذان وتكبيرة الإحرام
وركعة وسجدة خلف الإمام
وتشهد ودعاء والتسليم والختام
يا ألله الحمد لك على نعمة الإسلام

التي بها صلاة فجر
وقبيلها عذوبة الأسحار

كل شيء باسم مستبشر قبل عبىء يوم شاق طويل
الشجر والخضرة وزهر الزرع والنخيل
وتغريد أو قل تسبيح رقراق لصوت طير نحيل
ثم يتجلى الصبح بإشراق شمس
ليظهر الإبداع في تلألؤ حبات الندى
وعلى جناح فراشة تقبل خدود الورد 
فيُسبح القلب مأخوذا بمن خلق وهدى

فتكون بداية اليوم مثالية
وكذلك ارجوا الختام
بخير .. وسلام :) 


------------
أولا كنت أتمنى أنزل البوست ده بعد الفجر 
بس والله الظروف تمنع الايام دي خصوصا
 مع ضغط الشغل ... فدعواتكم :)

ثانيا دي صور من الريف بتصوير شخصي 
اتمنى تعجبكم *-*


















-----------------
دمتم بخير ؛؛
وأحبكم في الله :) :)

هناك 13 تعليقًا:

غير معرف يقول...

ياناس ياعالم نفسى اقضى يوم فى الريف
لا اسبوع او شهر على الاقل
بصراحه الصور توحفه توحفه بجد احلى طبيعه
نيجى بقى للعنوان
بصراحه مش عارفه العنوان ده خطر على بالك ازاى
العنوان فيه ابداع وسحر ايضا
والموضوع انت استخدمت فيه عبارات ولا اروع وعبارات قويه جدا
ايضا عجبنى اختبارك للقافيه كنت موفق فيها جدا جدا
توحفه بجد عجبنى الموضوع
انت بتغيب وترجعلنا بإبداعاتك
تحياتى لك دوما

~أحرفٌ مُحترقـــــه~ يقول...

السلام عليكم ..
إنبهـــــــــــــــار ...

ما أريد أن أذكره ...خيل إلىّ أننى خلف العدسه على الأرض ما بين الأخضر والطين وبريق الشمس يتفرق بإنكسارت عده بفعل السعف والنسيم يعاند الشمس محملاً برائحة التربه.. رائع بل جداً جداً ولن أزيد

سِحر السحَر أمر آخر خلوة وسجادة صلاه وبكاء يبعث الفرح باركان القلب
هو الهمس ذا الصدى المدوى

أما الفجر
فلونه ينبؤك بالأمل أغبط الرجال ...لخروجهم للفجر :)

لكن يبقى لوصفكم لكل شئ للسحر للفجر للطبيعه من قلب الحدث

كان الله فى عونكم
دمتم بخير

بسمة الورد عطر المشاعر يقول...

جميل والله ما اجمل الطبيعه.. وما اجمل كلماتك وبوحك الشفيف

احسنت والله يامحمد

ربنا يقويك ويصلح حالنا وحالك

مودتى واعجابى بقلمك

الأمير يقول...

قمر وليل وغيوم

اهلا بيكي وطبعا ممكن تقضي يوم واتنين وتلاتة وسنة كمان .. إحنا تحت أمرك س طبعا في موانع كتير ... ربنا ييسر الحال .

بالنسبة للعنوان والعبارات والقافية
وغيرها وووو فكل ده اختنا ما هو الا غيض من فيض مما لديكم .. جزاكم الله عنا خيرا وحفظكم :)

واتمنى ان شاء الله الجاي يعجبكم
تحياتي لتواجدكم الذي يشرفني
وعذرا لو تأخرنا في الرد عليكم :)

تحيتي .

الأمير يقول...

مليكة الطهر

فعلا هو إنبهار وأكثر ولو حضرتك خلف الكاميرا مش كفاية لأن ما أمام الكاميرا أروع بكثييييير ووالله الكاميرا عاجزة لحد كبير عن نقل الصورة تماما وليس كما هو الحال عند الرؤية المباشرة .. متعكم الله بصحتكم وبصركم :)

وفعلا ... السحر قصة أخرى دنيا أخرى عالم آخر ... بل هو حياة أخرى .. أجمل بالطبع .

بالنسة بقى للفجر فصدقتم .. وفعلا من حقك تغبطي الرجال على ه1ه النعمة العظيمة والحميييلة جدااا والله العظيم
" بجددد شيء من الخيال "


وبصراحة أجمل ما في موضوعي أنه من
( قلب الحدث ) تماما

انرتم أختنا
دام فضلكم وتواجدكم :))

الأمير يقول...

بسمة الورد

جزاكم الله خيرا لكلماتكم العذبة
فاللهم آمين لدعائكم الكريم

حفظكم الله واسعدكم كما تسعدونا بتواجدكم الكريم .

شكرا لكم .:)

الأمير يقول...

وطبعا مش عايزكم تفتكروا ان مفيش بالرغم من المناظر الخلابة والهواء النقي ده

ان في تعب وشغل وعرق وظروف برد وسقعة ومطر وحر وشمس وتراااب وغباار
والمشكلة ان غالبا تضطر انك تشتغل في الظروف دي

فربنا ييسر الحال
لان الواحد بيخرج من موسم الصيف غامق وخاسس هههههه وبيبقى شكله يصّعب

دعواتكم .

~أحرفٌ مُحترقـــــه~ يقول...

:)
ومن قال أننا لا نعرف مدى معاناة ملازمة الأرض بالرعايه أعيش فى قريه فيها عرفت مواسم الحصاد وقسوتها ومتى تزرع بعض الأشياء لكن لست بالطبع كمن يلتحم بها ولو أن لى تجربه :D
الله المستعان
لكن سبحان ربى فيها من المتعه كيف أنك تشرف ع حيــــاه يؤثر فيها ما عددت من سقعه وخلافه وتنفق بها جهد وتعب وعرق لكن ما أجمل طعم زرعت يداك هنا الفرق هذا الجزاء
ربنا ييسر لكم يارب ويمتعكم بالصحه ويعينكم ع ما منحكم :)
دمتم بخير

الأمير يقول...

طبعا تجربة حضرتك الوحيدة دي
لننننن تتكرر :D

وطبعااا كلامك مظبوووط جدااا لأن فعلا الواحد بيبقى فرحان لما الزرع بيكبر وبناكل منه
يعني مثلا :
أخدت من الزرع فلفل وشبت ونعناع وكرنب وجرجير وملوخية وبطاطا ... طبعا مش كميات كبيرة .. لكن هي طلبات بيطلوبها ف البيت .. كل ما نحتاج وإن فاض فبيتباع .

جزاكم الله خيرا على دعائكم الجميل ولكم المثل أختنا وان يعينكم على ما منحكم . فاللهم آمين .

دمتم بكل خير . :))

رحاب صالح يقول...

الله الله الله
سواء علي الكلمات او علي الصور
بالمسبة للكلمات ولصلاة الفجر تحديدا فهي لا توصف بكلمات
احاول ان اواظب علي صلاة الفجر بكل طاقتي
الصور حلوة اووي في صور اتعرفت علي الي فيها وصور لاء
بس في المجمل حلوة الصور كلها
بالنسبة لسؤالك فمعلش انا بجد كتنت تعابنة ومش بفتح المدونة واول ما شوفته زعلت اني متحتش عشان ارد عليك
عموما الموضوع مش سهل ومش صعب
يعني بعد ما تكتب الرواية او القصص الي عايز تنشرها بتكلم اكتر من دار نشر وبتشوف شروطها اية وكدة وبتشوف الانسب معاك وبتبدأ تختار الغلاف وكدة يعني وتدخل الرواية المطبعة وتخر ج للنور وتعمل حفلات توقيع وتبدا في التوزيع والدعاية وهكذا ...:)
لو في اي استفسار انا في الخدمة ^_____^

الأمير يقول...

رحاب صالح

أولا وأهم حاجة الف سلامة على حضرتك وولا يهمك إتأخري براحتك :)

نورتي وربي المدونة مع أول تعليق لحضرتك
أنا كنت زرت حضرتك من فترة فحضرتك رديتي الزيارة في مدونة
أمير العذاب .. ولإني مبدخلهاش تقريبا فمأخدش بالي من تواجد حضرتك إنتي وشمس النهار
فعذرا لو كنت بسبب كده خليتكم تعتقدوا إني أهملت
تعليقاتكم ...

------------
وطبعا صلاة الفجر والله لها وضع خاص ومميز ومش أي حد بيحصل على الروعة بتاعتها
شيء خيالي رائع رائع
وبجد ربنا يرزقنا الإلتزام بصلاة الفجر ... فحقا لما تركنا الفجر تأخر الفجر .. أقصد النصر ...

-----------
بالنسبة للرواية كلام حضرتك تمام
بس يا ترى بتتكلف كام للطبع والتوزيع وباقي التفاصيل ؟؟

وجزاكم الله خيرا .
وأتمنى توريني دايما

رحاب صالح يقول...

التكلفة بتكون علاي حسب عدد الكلمات والصفحات
وعموما انت بتسأل اكتر من دار نشر عشان ميتنصبش عليك
وكمان بتسأل اي حد من اصحابك طبع كتاب قبل كدة عشان تستفيد من تجربته
وانا تحت امرك ف اي شيء ^_^

الأمير يقول...

جزاكم الله خيرا أختنا
والله حضرتك بتردي مشكورة على الأسئلة

بجد متشكر يا أخت رحاب على ذوقكم

تحياتي أختنا . :)